Havaianas or Spartans?

I received this one from an email. Had a great time reading. Hope you will too.



Pangalan: Havaianas

Lugar na pinaggalingan: Sao Paulo, Brazil

Pagbigkas:
ah-vai-YAH-nas (Brazilian Portuguese)
hah-vee-ah-naz (American English)
omigash! hah-va-yaH-naZz! (Filipino)

Materyal na ginamit: Malupit na goma (high-quality rubber)

Presyo: Depende. Ganito na lang- 1 pares ng Havaianas= 100 pares ng Spartan

Mga nagsusuot: Mga konyotik at mga mayayaman (na noong una ay nababaduyan sa mga naka-de sipit na tsinelas at sasabihing "Yuck! So baduy naman nila, naka-slippers lang.")

Malulupit na katangian at kakayahan:

• Masarap isuot
• Shock absorbent
• Malambot ngunit matibay
• Makukuha sa sandamakmak na kulay, disenyo at burloloy
• Maaring isuot sa loob ng Starbucks
• Mainam na pang-japorms, Mainam i-terno sa iPod at Caramel Machiatto
• Mapipilitan kang maglinis ng mga kuko mo sa paa
• Maari ka nang mag-dikwatro sa loob ng mga pampublikong lugar at sasakyan
• Magiging fashionable ka kapag ikaw ay nagkukuyakoy

Olats na mga katangian:

• Mahal!
• Mahal!
• Mahal!

-----------------------------------------------------------------------------------------------

Pangalan: Spartan

Lugar na pinaggalingan: Manila, Philippines

Pagbigkas:
spar-tan (American English)
is-par-tan (Filipino)

Materyal na ginamit: Pipitsuging goma (low quality rubber)

Presyo: Wala pang 50 pesos. Isang pares ng Spartan= 20 piraso ng pan de coco

Mga nagsusuot: Ang masa (gaya-gaya lang ang mga sosyal at fashionista)

Malupit na katangian at kakayahan:

• Maaring ipampatay sa ipis
• Maaring ipampalo sa mga batang suwail at damuho
• Pwedeng ipanglusong sa baha at putikan
• Pwedeng ipamalengke
• Mainam gamitin sa tumbang-preso
• Mainam gawing shield kapag naglalaro ng espa-espadahan
• Mainam isuot sa siko bilang proteksyon habang naglalaro ng piko
• Mainam na pambato sa picha o shuttlecock na sumabit sa puno
• Mainam na pangkulob sa pumuputok na watusi, Kapag ginupit-gupit ng pahugis cube, maari mo ng gawing pamato sa larong bingo na kadalasang makikita sa mga lamay ng patay.

Olats na katangian:

• Madaling magkawalaan kapag hinubad dahil halos pare-pareho lang ang itsura
• Masakit isuot kapag mga balahibo ang mga daliri mo sa paa
• Minsan kapag ipinambato mo ito sa shuttlecock na nakasabit sa puno, nadadamay pati yung tsinelas.